گلگت ۔14جون (اے پی پی) صدر مملکت ڈاکٹر عارف علوی ، سکردو گرلز ہائی سکول قائد آباد اچ سرکاری سکولاں اچ پڑھݨ آلے طالب علماں کیتے ٹرانسپورٹیشن وظیفہ ݙیوݨ دے منصوبے دا افتتاح کیتا۔ ٻالاں اتے ٻالڑیاں اچ رقم دے چیکس ݙتے ڳئے۔ ایں موقع تے صدر مملکت ڈاکٹر عارف علوی خطاب کریندیں ہوئیں آکھیا جو حکومت گلگت بلستتان سرکاری سکولاں اچ تعلیم ڳھںݨ آلے طالب علماں دے مسئلیاں کوں سفری اوکھ ڳھٹ کرݨ کیتے انقلابی منصوبہ شروع کیتے۔ میکوں امید اے جو گلگت بلتستان دی حکومت کجھ سالیں اچ ہر ٻال دی تعلیم کوں یقینی ٻݨیسی۔ سکولاں اچ ٻالاں دی تعلیم دے نال تربیت تے وی خصوصی توجہ ݙتی ویسی۔ ایں موقع تے صدر مملکت ڈاکٹر عارف علوی ، صوبائی حکومت دے فیصلے دے مطابق گرلز ہائی سکول قائد آباد کوں ہایئر سیکنڈری دا درجہ ݙیوݨ دا اعلان کیتا۔
