برسلز۔2فروری (اے پی پی):وزیر خارجہ جلیل عباس جیلانی برسلز اچ تریجھے انڈو۔ پیسیفک وزارتی فورم دے موقع تے یورپی یونین دے خارجہ امور اتے سیکورٹی پالیسی دے اعلیٰ نمائندے جوزپ بوریل فونٹیلس نال ملاقات کیتی ۔ دفتر خارجہ موجب ملاقات اچ انہاں عالمی اتے علاقائی امورتے ڳالھ مہاڑ کیتی ۔ انہاں جھیڑے مکاوݨ سانڳے سفارتکاری دی اہمیت کوں اجاگر کیتے تے عالمی چیلنج نال نبݨݨ سانڳے شراکت داری کوں ودھارا ݙیوݨ دی لوڑھ تے زور ݙتا ۔ انہاں ملاقات اچ سٹرٹیجک انگیجمنٹ پلان (2019)دے مطابق پاکستان اتے یورپی یونین دے تعلقات کوں مزید گھاٹا کرݨ تے اتفاق کیتے۔
