ڪمپالا-27 ڊسمبر (اي پي پي) يوگنڊا جي اولهندي ضلعي ڪاموينگي ۾ باغي گروپ الائيڊ ڊيموڪريٽڪ فورسز (اي ڊي ايف) طرفان ڪيل حملن سبب 2 ٻارن سميت 3 ڄڻا مارجي ويا آهن. شنهوا موجب يوگنڊا ۾ فوجي ترجمان فيلڪس ڪولائيگي ميڊيا کي ٻڌايو ته باغين جي گروپ هڪ ڳوٺ تي حملو ڪري هڪ گهر کي باهه لڳائي ڇڏي جنهن جي نتيجي ۾ هڪ 75 سالن جي عورت ۽ سندس ٻه پوٽا مارجي ويا. هن ٻڌايو ته فوج انهن گروهن جي ڳولا جاري رکندي جيستائين اهي مارجي نٿا وڃن ، هن وڌيڪ ٻڌايو ته فوجي ڪالهه کان مقامي دفاعي يونٽن جي ڀرتي ڪندو ته جيئن اهو يقيني بڻائي سگهجي ته ٻهراڙي جي حفاظت ڪئي وڃي.
