راولپنڈی۔9جون (اے پی پی):لکی مروت اچ بارودی سرنگ نال سیکیورٹی فورسز دی گاݙی ٹکراوں نال پاک فوج دے کیپٹن سودھے 6 جوان شہید تھی ڳئن ۔ اتوار کوں آئی ایس پی آر توں جاری بیان موجب شہید تھیوݨ آلے نینگراں اچ ضلع قصورتوں تعلق رکھݨ آلے 26 سالہ کیپٹن محمد فراز الیاس ، سکردو دے رہائشی 50 سالہ صوبیدار میجر محمد نذیر ، گانچھی ضلع توں تعلق رکھݨ آلے 36 سالہ لانس نائیک حسین علی ، ملتان توں تعلق رکھݨ آلے 33 سالہ سپاہی اسد اللہ ، گلگت توں تعلق رکھݨ آلے 27 سالہ سپاہی منظور حسین ، راولپنڈی توں تعلق رکھݨ آلے 31 سالہ سپاہی راشد محمود شامل ہن ۔ آئی ایس پی آرموجب علاقے اچ کہیں وی دہشتگرد دی موجودگی تے انہاں کوں جہنم واصل کرݨ سانڳے علاقے دی سینیٹائزیشن کیتی ڳئی ۔ ایں بزدلانہ کارروائی دے ذمہ وار شرپسنداں کوں انصاف دی کچاری اچ گھن آیا ویسی ۔ آئی ایس پی آرآکھیے سیکیورٹی فورسز دہشتگردی دی لعنت مکاوݨ سانڳے پرعزم ہن ایں طرح دی ساݙے بہادر جواناں دی قربانیاں ساݙے عزم کوں ٻیا تکڑا کریندن۔
