اسلام آباد۔13اکتوبر (اے پی پی) صدر مملکت ڈاکٹر عارف علوی حفاظتی صحت دا نظام مضبوط ٻݨاوݨ ، ڈیجیٹل ٹیکنالوجی اتے ٹیلی میڈیسن اپناوݨ تے زور ݙیندیں ہوئیں آکھیا جو انہاں اقدامات نال ملک دے پسماندہ علاقیاں دی آبادی دے صحت دے ودھدے ہوئے مسئلیاں تے قابو پاوݨ اچ مدد ملسی۔ ایوان صدر دے پریس ونگ توں جاری بیان موجب صدر مملکت ڈاکٹر عارف علوی نال میڈیکل شعبے دی عالمی کمپنی سیمنز ہیلتھینئرز دے گلوبل ایگزیکٹوز دے وفد مشرق وسطیٰ اتے جنوبی ایشیائی ریجنز کیتے چیف ایگزیکٹوآفیسر آلےپیر ملوئے دی قیادت اچ ملاقات کیتی۔ صدر مملکت حفاظتی صحت دا نظام مضبوط ٻݨاوݨ ، ڈیجیٹل ٹیکنالوجی اتے ٹیلی میڈیسن اپناوݨ تے زور ݙتا۔
