لاهور-30 ڊسمبر (اي پي پي) رٿابندي، ترقي ۽ سڌارن واري وفاقي وزير پروفيسر احسن اقبال چيو آهي ته ملڪي ترقيءَ لاءِ پاليسين جو تسلسل ضروري آهي، حڪومت ملڪي معيشت جي بهتريءَ لاءِ سمورا وسيلا ڪتب آڻي رهي آهي، سول سروس هڪ ڪيريئر نه مشن جو نالو آهي، پاڪستان ۾ قابليت ۽ وسيلن جي ڪا کوٽ ناهي، جديد ٽيڪنالاجي کي اختيار ڪرڻ وقت جي اهم ضرورت آهي، قوم جي حيثيت سان اسان کي پنهنجي روشن مستقبل لاءِ ڪوششون ڪرڻيون پونديون. اهڙو اظهار هن سول سروسز اڪيڊمي ۾ 47هين اسپيشلائزد ٽريننگ پروگرام جي آفيسرن جي پاسنگ آئوٽ کي خطاب ڪندي ڪيو. وفاقي وزير چيو ته ملڪ کي هن وقت مختلف چئلينجز درپيش آهن جنهن کي مُنهن ڏيڻ لاءِ اسان کي گڏجي ڪوشش ڪرڻ پوندي. هن چيو ته پاڪستان ۾ ٽيلنٽ ۽ وسيلن جي ڪا کوٽ ناهي، اسان وٽ قيمتي اث??ثن جي صورت ۾ قابل جوانن جو وڏو انگ موجود آهي جيڪو ملڪ جي تقدير کي بدلائڻ جي مڪمل صلاحيت رکي ٿو. وفاقي وزير چيو ته اسان کي اهو سوچڻو آهي ته اسان کان ترقيءَ ۾ تمام پوئتي رهيل خطي جا سمورا ملڪ اڄ اسان کان اڳيان ڪيئن نڪتا آهن، اسان هڪ ايٽمي طاقت هئڻ باوجود ڏُکيائين ۾ ڇو گهيريل آهيون، ان تي غور ڪرڻ جي ضرورت آهي نه ته ترقيءَ جي ڊوڙ ۾ اسان تمام پوئتي رهجي وينداسين، اسان کي پنهنجي ڪمزورين جو ادارڪ ڪرڻ گهرجي، دنيا اسان کي محنتي ۽ ذهين قوم سمجهي ٿي، اسان کي پنهنجي اسلام جي نظرين ۽ سوچ کي برقرار رکندي پاڪستان کي اڳيان وٺي وڃڻو آهي، اسان کي قوم جي حيثيت سان گڏجي پنهنجو ڪردار ادا ڪرڻو پوندو. هن چيو ته چئن عملن تي غور کانسواءِ ان جو حل ممڪن ناهي، پهريون امن کان سواءِ ترقي ممڪن ناهي، ٻيو ڪنهن به ملڪ ۾ سياسي استحڪام پائيدار ترقي لاءِ اڻٽر آهي، ٽيون پاليسي جو تسلسل ملڪي ترقي لاءِ سڀ کان ضروري آهي ۽ چوٿون حڪومتن جي تبديلي سان پاليسين جي تسلسل تي فرق نه پوڻ گهرجي. پروفيسر احسن اقبال چيو ته اُسرندڙ ملڪ پاليسين جي تسلسل سان ئي دنيا ۾ پنهنجو مقام قائم رکيو ويٺا آهن، ڪهڙي به حڪومت به اچي ملڪي ترقي جي پاليسين تي عملدرآمد ۾ ڪا رڪاوٽ نٿي اچي، اسان کي پنهنجي ملڪ ۾ پاليسين جي تسلسل کي جاري رکڻو پوندو. هن چيو ته حڪومت، وزيراعظم محمد شهباز شريف جي قيادت ۾ ڏينهن رات ملڪ جي ترقيءَ جي راهه تي گامزن ڪرڻ لاءِ ڪوشان آهي، پيش ايندڙ چئلينجن ۾ سڀ کان پهريون چئلينج روانگي واپار ۾ واڌ آهي، اسان جي پهرين ترجيح روانگي واپار کي وڌائڻ آهي، اسان ڊجيٽل ۽ ٽيڪنالاجي جي انقلابي دؤر ما?? گذري رهيا آهيون، زراعت جي ترقي، پاڻي جي وسيلن ۽ زرعي جنسن سميت ٻين شعبن ۾ جديد ٽيڪنالاجي جو استعمال وقت جي اهم ضرورت آهي، اسان گڏوگڏ توانائي ۽ انفراسٽرڪچر ??ي شعبن ۾ به فوڪس ڪرڻ جي ضرورت آهي. احسن اقبال چيو ته تيزيءَ سان وڌندڙ آبادي به هڪ تمام وڏو چئلينج آهي، تازو ئي آدمشماري ۾ آباديءَ جو تناسب 2.0 ما?? وڌي 2.55 سيڪڙو ٿي ويو آهي، اسان دنيا جي پنجين وڏي آبادي وارو ملڪ بڻجي ويا آهيون، اهوئي حال رهيو ته ايندڙ 25 سالن ۾ آسان جي آبادي 40 ڪروڙ جي لڳ ڀڳ ٿي ويندي، ملڪي وسيلا ختم ٿي رهيا آهن، زراعت، فوڊ سيڪيورٽي تي بار آهي، اسان جي انفراسٽرڪچر ??ون ضرورتون ڪيترائي ڀيرا وڌي ويون آهن، اسان کي موجوده وسيلن کي ڪتب آڻڻ لاءِ آبادي ۾ واڌ کي روڪڻو پوندو، اسان کي پنهنجي رفتار کي ماضيءَ جي نسبت تيز ڪري 77 سالن جو نقصان پورو ڪرڻو آهي. پروفيسر احسن اقبال تربيت هيٺ آفيسرن کي مخاطب ٿيندي چيو ته سول سروس هڪ ڪيريئر نه مشن جونالو آهي، سول سرونٽس طور تي اوهان جي سڀ کان اهم ذميداري شهرين کي رياست سان گڏ جوڙڻ آهي ۽ ان سروس اوهان جي شهرت ۽ ميراث هڪ خوشبو وانگر آهي جيڪا لِڪائي نٿي سگهجي، اوهان جي مقرري مختصر ٿي سگهي ٿي پر شهرت ۽ ميراث مستقل ٿيندي آهي، اوهان کي ان کي هميشه بهترين رکڻو آهي. تقريب جي آخر ۾ ٽريننگ دوران مختلف شعبن ?? نمايان ڪارڪردگي جو مظاهرو ڪندڙ آفيسرن ۾ ايوارڊ به ورهايا ويا.
