شينزن – 05 – جون (اي پي پي) نائب وزيراعظم ۽ پرڏيهي وزير محمد اسحاق ڊار چيو ته روانگي واپار ۾ اضافي سميت ٻين اهم قدمن جي لاءِ ڪوششو ڪري رهيا آهيون، پاڪستان ۾ 10 ٽريلين ڊالر جي معدني وسيلن جو ڪاٿو آهي، پاڪستان ۾ آءِ ٽي، زراعت، معدني وسيلن سميت مختلف شعبن ۾ بي پناهه موقعا آهن. چين جي شهر شينزن ۾ پاڪ چين بزنس ڪانفرنس کي خطاب ڪندي نائب وزيراعظم ۽ پرڏيهي وزير محمد اسحاق ڊار چيو ته سيڙپڪاري جي سهولت ڪائونسل ڪاروباري شعبي ۽ سيڙپڪارن جي حوصلا افزائي جي لاءِ قدم کڻي رهي آهي، خساري ۾ هلندڙ 84 سرڪاري ادارن جي نجڪاري تي غور جاري آهي. نائب وزيراعظم ۽ پرڏيهي وزير محمد اسحاق ڊار چيو ته پاڪستان جو اقتصادي ترقي جي حوالي سان بهتر ٽريڪ رڪارڊ رهيو آهي، ڪجهه سال اڳ تائين پاڪستان دنيا جي 24 هين وڏي معيشت هو، ناڻي واڌ 2 سيڪڙو، سي پي آءِ 9 سيڪڙو کان گهٽ، جي ڊي پي واڌويجهه 6 سيڪڙو هئي بدقسمتي سان سياسي عدم استحڪام، حڪومت جي تبديلي، ڪوويڊ سميت ٻين مسئلن جي ڪري ان ۾ مشڪلاتون آيون.
