اسلام آباد – 02 – سيپٽمبر (اي پي پي) وزيراعظم محمد شهباز شريف ٻوڏ متاثرين جي لاءِ انساني همدردي جي بنياد تي فيلڊ اسپتال سميت امداد جي فراهمي تي قطر جي امير شيخ تميم بن حمد الثاني جا ٿورا مڃيا آهن. هڪ ٽوئيٽ ۾ وزيراعظم چيو ته هو ٻوڏ متاثرين جي لاءِ 93 رڪني عملي سان هڪ فيلڊ اسپتال سميت انساني همدردي جي بنياد تي سامان جي فراهمي تي پنهنجي ڀاءُ قطر جي امير شيخ تميم بن حمد الثاني جا ٿورا مڃي ٿو. هن چيو ته اها فيلڊ اسپتال سنڌ ۾ ڪم ڪندي. اسان خيرسگالي جي ان جذبي تي قطر جي امير جا ٿورائتا آهيون.
