اسلام آباد۔12جون (اے پی پی)این ڈی ایم اے سمندری طوفان بائپرجوائے دے ممکنہ خطریاں توں بچݨ کیتے چتاوݨی جاری کریندے ہوئے متعلقہ اداریاں کوں ہشیار رہݨ دا آکھیے۔ این ڈی ایم اے الرت جاری کریندے آکھیے جو سمندری طوفان بائپرجوائے ٻہوں شدت اختیار کر چکیے. سمندری طوفان دے ممکنہ اثرات اچ تیز آندھاری ڳھلݨ، مینہہ وسݨ اتے چھل متوقع اے۔ 13 توں 17 جون تئیں مچھیرے اتے سیاح کھلے سمندر ونڄݨ توں احتیاط ورتن۔ این ڈی ایم اے وفاق، بلوچستان اتے سندھ دے سارے متعلقہ اداریاں کوں کہیں وی ممکنہ صورتحال نال نمٹݨ دی دہایت کیتی اے۔ متعلقہ ادارے ساحلی پٹی آلے علاقیاں اچ ایمرجنسی مشینری اتے میڈیکل عملے دا ہووݨ ضروری اے۔ پاک نیوی اتے سمندری امور دے ادارے ساحلی پٹی دی ݙیکھ ٻھال ٻئی تیکھی کرن اتے کہیں وی ہنگامی اتے ابڑ غُت صورتحال اچ مقامی انتظامیہ دی ہدایات تے عمل کرن.
