اقوام متحدہ۔13جنوری(اے پی پی):پاکستان ترقی پذیر ملکاں دی تنظیم جی ۔77 اتے چین دی چیئرمین شپ باضابطہ طور تے کیوبا دے حوالے کرݙتی۔134 رکنی گروپ دی چیئرمین شپ دی منتقلی دی ٹرسٹی شپ کونسل اچ منعقد تھیوݨ آلی تقریب توں وزیرخارجہ پاکستان بلاول بھٹو زرداری وڈیو خطاب کیتا۔ انہاں آکھیے او گروپ دی چیئرمین شپ کیوبا دے ہم منصب اتے اپݨے دوست برونو ??وڈ??یگوئیز پارلا کوں منتقل کرݨ تے فخر محسوس کریندے پئن ۔ انہاں آکھیے پاکستان دی قیادت اچ ترقی پذیر ملکاں دے مذکورہ بالا چیلنجز نال نبݨݨ دے اجتماعی عزم اتے اتحاد تے مبنی کوششاں دے مثبت نتائج سامݨے آندے پئن۔ وزیر خارجہ دے خطاب دے بعد اقوام متحدہ اچ پاکستان دے مستقل مندوب منیر اکرم گروپ دا’’ گریول‘‘ کیوبا دے وزیر خارجہ دے حوالے کیتا۔ گروپ دے نویں چیئرمین اپݨے خطاب اچ 2022 دے دوران گروپ دی شاندار قیادت تے پاکستان دیاں کوششاں دی تعریف کیتی ۔ پاکستان ایں گروپ دے بانی ارکان اچ شامل اے تے اوں گروپ دی چیئرمین شپ 14 جنوری 2022 کوں سنبھالی ہئی۔ پاکستان دی چیئرمین شپ دی مدت دے دوران گروپ ترقی کوں اقوام متحدہ دے ایجنڈے اچ مرکزی اہمیت ݙیوائی تے ترقی پذیر ملکاں دی کووڈ۔19 دی عالمگیر وبا، ماحولیاتی تبدیلیاں دے ودھدے منفی اثرات ، اقتصادی عدم توازن، قرضیں دے بحران، مہانگ ، غذائی عدم تحفظ اتے جھیڑے ??یہے چیلنجزنال نبݨݨ اچ اہم کردار ادا کیتے ۔ آپݨے خطاب اچ وزیر خارجہ بلاول بھٹو زرداری آکھیے پاکستان ایں توں پہلے 3 واری گروپ دی قیادت کر چکے۔ انہاں مزید آکھیے جو پاکستان دی قیادت اچ گروپ مذکورہ بالا چیلنجز نال نبݨݨ کیتے کئی اہم معاہدیں اتے منظم ردعمل کوں حتمی شکل ݙیوݨ اچ کامیابی حاصل کیتی۔ انہاں اچ فنانسنگ فار ڈویلپمنٹ فورم اچ پائیدار ترقی دے اہداف دے حصول دا معاہدہ، ہائی لیول پولیٹکل فورم اچ پائیدار ترقیاتی اہداف دے حصول دے طریقیں تے مباحثہ، اقوام متحدہ دی جنرل اسمبلی دے 77 ویں اجلاس اچ وݙے اقتصادی، ترقیاتی تے ماحولیاتی امور تے اتفاق رائے، کوپ۔27 اچ لاس اینڈ ڈیمیج فنڈ دے قیام دا تاریخی فیصلہ اتے گزریل مہینے گروپ دی وزارتی کانفرنس اچ غذائی ، ایندھن اتے مالیاتی بحراناں دے اثرات کوں گھٹ کرݨ کیتے وختی ڈھانچہ جاتی اقدامات تے ھک موقف تے اتفاق رائے دا حصول خاص طور تے قابل ذکر ہن جنہاں توں پائیدار ترقیاتی اہداف 2030 اتے ماحولیاتی تحفظ کیتے پیرس معاہدے تے پیش رفت ماچ مدد ملی اے۔ انہاں آکھیے پاکستان گروپ دے رکن دی حیثیت نال انہاں مقاصد دے حصول اچ آپݨا بھرپور کردار جاری رکھیسی۔
