اسلام آباد۔4جولائی(اے پی پی)چیئرمین سینیٹ سید یوسف رضا گیلانی امریکا دے آزادی ݙیھاڑے دے موقع تے امریکی عوام، کانگریس اتے حکومت کوں مبارخ ݙتی اے۔ سینیٹ سیکرٹریٹ موجب آپݨے سنھیے اچ انہاں امریکا دی سیاسی اتے پارلیمانی قیادت سانڳے نیک تمناواں تے خیرسگالی دے جذبے دا اظہار کیتے ۔ چیئرمین سینیٹ آکھیے پاکستان تے امریکا وچال سانجھے احترام، اعتماد، تعاون اتے امن، ترقی تے خوشحالی دے عزم تے مبنی تکڑے رابطے ہن۔ انہاں اے اعتماد دی ڳالھ ݙوہیں ملکاں دے عالمی چیلنجاں نال نبݨݨ تے جمہوریت، مساوات اتے انصاف دی سانجھی اقدار ودھاوݨ سانڳے رل تے کم کریندے رہسن ۔
