لاہور۔13ستمبر (اے پی پی) گورنر پنجاب محمد بلیغ الرحمان نال گورنر ہائوس لاہور اچ بہاولپور سودھے مختلف علاقیاں توں آئے وفود ملاقات کیتی۔ ایں موقع تے گورنر پنجاب لوکاں دے مسئلے وی سݨیے۔ گورنر پنجاب محمد بلیغ الرحمان ایں موقع تے ڳالھ مہاڑ کریندیں ہوئیں آکھای جو وزیراعظم سارے اداریاں کوں نال ڳھن تے چھل متاثرین دی بحالی کیتے محنت کریندے پئن۔چھل پاروں ملک اچ وݙے پیمانے تے تباہی تھئی اے جئیں دی بحالی کیتے ہک وݙا عرصہ چاہیدا ہوسی۔ گھر سکول، ہسپتال اتے رابطہ سڑکاں جیڑھی چھل اچ لڑھ ڳئن انہاں کوں ولا ٻݨاوݨ اچ ہک عرصہ لڳسی۔ انہاں آکھیا جو وزیراعظم سارے اداریاں کوں نال ڳھن تے چھل متاثرین دی بحالی کیتے محنت کریندے پئن۔
