اسلام آباد۔21نومبر (اے پی پی) نائب وزیراعظم اتے وزیر خارجہ سینیٹر محمد اسحاق ڈار دی صدارت زلزلہ تعمیر نو اتے بحالی اتھارٹی (ایرا) کونسل دا اجلاس خمیس کوں تھیا۔ ایرا دے چیئرمین ، ایرا کونسل دے اراکین اتے نیشنل ڈیزاسٹر مینجمنٹ اتھارٹی دے نمائندے اجلاس اچ شریک تھیے۔ دفترخارجہ موجب اجلاس اچ ایرا اتے این ڈی ایم اے دے سٹریٹجک انضمام دے عمل تے توجہ ݙتی ڳئی۔ نائب وزیر اعظم آکھیا جو انضمام دا عمل آپریشنز کوں ہموار، وسائل دی ونڈ کوں بہتر اتے آفات نال نبڑݨ دے فریم ورک کوں مضبوط ٻݨیسی۔ یزاسٹر رسپانس فریم ورک کوں جورݨ اچ آزاد جموں و کشمیر اتے خیبر پختونخوا دی حکومتاں کوں شامل کرݨ دا فیصلہ کیتا ڳئے۔
