اسلام آباد۔25مارچ(اے پی پی) پاݨی توں بجلی دی پیداوار اچ جاری مالی سال دے پہلے 8 مہینے اچ سالانہ بنیاداں تے 1.5 فیصد نموریکارڈ کیتی ڳئی اے ۔ نیپرا اتے عارف حبیب ریسرچ موجب جاری جولائی توں فروری تئیں دی مدت اچ پن بجلی دی مجموعی پیداوارداحجم 24935گیگاواٹ آورزریکارڈکیتا ڳئے جیڑھا جو گزریل مالی سال دی ایں مدت دے مقابلے اچ 1.5 فیصدزیادہ اے، گزریل مالی سال دی ایں مدت اچ پن بجلی دی پیداوارداحجم 24574 گیگاواٹ آورزریکارڈکیتا ڳیا ہئی ۔فروری اچ پاݨی توں بجلی دے پیداواراچ سالانہ بنیاداں تے 39.2 فیصد دی نموریکارڈ کیتی ڳئی اے ، فروری اچ پاݨی توں مجموعی طورتے 2052گیگاواٹ آورز بجلی حاصل کیتی ڳئی جیڑھی جو گزریل سال فروری اچ 1474گیگاواٹ آورزریکارڈ کیتی ڳئی ہئی ، جنوری دے مقابلے اچ فروری اچ پاݨی توں بجلی دی پیداواراچ ماہانہ بنیاداں تے 156 فیصددی نموݙیکھݨ اچ آئی اے ، جنوری اچ ملک اچ پاݨی توں مجموعی طورتے 800 گیگاواٹ آورزبجلی حاصل کیتی ڳئی جیڑھی جو فروری اچ ودھ تے 2052گیگاواٹ آورز تھی ڳئی ۔
