اسلام آباد۔5 اگست(اے پی پی)وفاقی وزیر برائے منصوبہ بندی احسن اقبال آکھیے جو امن، سیاسی استحکام اتے پالیسیاں دا تسلسل معیشت دی ترقی کیتے ضروری اے۔ اے ڳالھ انہاں فائیو ایز فریم ورک تے عملدرآمد اتے حکمت عملی بارے جائزہ اجلاس نال خطاب کریندے آکھی۔ انہاں آکھیا جو فائیوایز فریم ورک دے تحت کثیر الجہتی حکمت عملی 2022 اچ ہک ہزار توں ودھ ماہرین دی صلاح نال ٻݨائی گئی، حکومت 2022 اچ ٹرن ارائونڈ کانفرنس کرائی ہئی جیندے اچ سارے شعبیاں دے ماہرین شرکت کیتی، فائیو ایز فریم ورک قلیل المدتی توں طویل المعیاد بنیاد تے حکمت عملی کوں ݙیہدے، ایکسپورٹ تے مبنی ترقی نال تجارتی و کرنٹ اکائونٹ خسارے کوں ڳھٹاوݨ اچ مدد ملسی، معیشت دے استحکام کیتے ہر شعبے اچ پیداوریت دی شرح ودھاوݨ دی لوڑھ اے، موسمیاتی تبدیلی پاکستان اچ آبی اتے خوراک دے تحفظ کیتے وݙا چیلنج اے، ودھدی آبادی اتے وسائل دے استعمال دی موثر منصوبہ بندی دی کمی ترقی اچ رکاوٹ اے، ترقی دے شعباں اچ تریمتیں دی شرح ڳھٹ توں ڳھٹ 50 فیصد کرݨ دی لوڑھ اے۔ انہاں آکھیا جو علاقائی اتے سماجی ناہمواریاں پاروں پاکستانی معیشت ترقی نئیں کر سڳی، ودھدے معاشی دبائو پاروں متوسط طبقے تے دبائو ودھیے، غربت اتے ودھدا عدم مساوات سماج کیتے خطرہ ٻݨیا ہوئے۔
