اسلام آباد۔9فروری (اے پی پی) نگران وزیراعظم انوار الحق کاکڑ دی صدارت دوست ملکاں نال مختلف شعبیاں اچ سرمایہ کاری دے معاہدیاں تے پیشرفت بارے جائزہ اجلاس جمعے کوں تھیا۔ وزیر اعظم آفس دے میڈیا ونگ توں جاری بیان موجب اجلاس اچ وزیراعظم کوں توانائی، فنانس، لاجسٹکس، تحفظِ خوراک، پاݨی، معدنیات اتے ٻئے شعبیاں اچ پاکستان دے بین الاقوامی معاہدیاں تے اڄوکی پیشرفت بارے ݙسیا ڳئیا۔ اجلاس اچ نگران وزرا برائے مواصلات، بحری امور اتے ریلویز، قانون تے انصاف اتے ماحولیاتی تبدیلی، خزانہ، توانائی، تحفظ خوراک، ڈپٹی چیئرمین منصوبہ بندی کمشن اتے ٻئے اعلیٰ سرکاری افسر شریک تھیے۔
