اسلام آباد۔2اکتوبر (اے پی پی) وفاقی وزیر برائے تعلیم تے پیشہ ورانہ تربیت مدد علی سندھی پیرا کوں حکم ݙتا جو او نجی سکولاں دی سالانہ رجسٹریشن کیتے 10 فیصد نیڈ بیسڈ سکالرشپس تے عملدرآمد کراوے۔ وفاقی وزیر برائے تعلیم تے پیشہ ورانہ تربیت مدد علی سندھی اتے پیرا دی چیئرپرسن ڈاکٹر سیدہ ضیاء بتول وچال سنوار کوں ملاقات تھئی۔ وفاقی وزیر تعلیم مدد علی سندھی دے آرڈر دے تحت وفاق اچ ݙاہ فیصد نیڈ بیسڈ سکالرشپس سارے پرائیویٹ سکولز دی رجسٹریشن دا مینڈیٹری پارٹ ٻݨا ݙتا ڳئے۔ گزریل ݙینھ وفاقی وزیر پرائیویٹ ایجوکیشنل انسٹیٹیوشنز ریگیولیٹری اتھارٹی (پیرا) کوں حکم ݙتا ہئی جو ݙاہ فیصد نیڈ بیسڈ سکالرشپس سارے سکولاں کوں ݙیوݨی چاہیدن۔ وفاقی وزیر کوں ݙسیا ڳئیا جو ایں آرڈر تے عمل درآمد تھی ڳئے۔ ہݨ ہر سال پیرا توں رجسٹریشن کراوݨ آلے پرائیویٹ سکولاں تے لازمی ہوسی جو او ݙاہ فیصد طالب علماں کوں نیڈ بیسڈ سکالرشپس ݙیون۔
