اسلام آباد۔25ستمبر (اے پی پی):بینظیرانکم سپورٹ پروگرام دے تحت اتوار دے ݙینھ سیلاب توں متاثرہ 122,208 خانداناں اچ 25000 روپے فی خاندان ݙتے ڳئن ، ہݨ تئیں سیلاب توں متاثرہ 1,705,332 خانداناں اچ 42 ارب روپے توں ودھ دی رقم ݙتی ڳئی اے ۔ہفتہ وار چھٹی دے باوجود خصوصی ادائیگی کیمپس کھلے رکھیےڳئن، بینظیرانکم سپورٹ پروگرام دے تحت اتوار دے ݙینھ بلوچستان، سندھ، خیبرپختونخوا، پنجاب اتے گلگت بلتستان دے 122,208 سیلاب توں متاثرہ خانداناں اچ 25,000 روپے فی خاندان ݙتن۔ فلڈ ریلیف کیش اسسٹنس دے تحت ہݨ تئیں 1,705,332 سیلاب توں متاثرہ خانداناں اچ مجموعی طور تے 42,633,300,000 روپے ݙتے ڳئن ۔
