ملتان۔22جنوری(اے پی پی)وزیرخارجہ مخدوم شاہ محمودقریشی آکھیے جو پی ٹی آئی حکومت عوام دا جیوݨ سوکھا کرݨ دے اقدامات کر تے ونڄݨ چاہندی اے۔ امن کیتے تریمتیں دے کردار بارے ملتان اچ سیمینار نال خطاب کریندے وزیر خارجہ شاہ محمود قریشی آکھیے جو ملکی ترقی اچ تریمتیں دا کردار ہمیشہ اڳونہا رہے، اڄوکی حکومت تریمتیں کوں بااختیار ٻݨاوݨ کتیے ودھ اقدامات کیتن۔ انہاں آکھیا جو برطانوی دور دے بعد ملک اچ پہلی واری ضابطہ فوجداری قوانین اچ اصلاحات آندیاں پن، ایندے تے وزارت قانون وانصاف 3 سال توں کم کریندی پئی اے۔ انہاں آکھیا جو حکومتاں آندیاں وینداں راہندن بھل اساں اینڄھا کم کرتے ونڄݨ چاہندے ہیں جو عام لوکاں دا جیوݨ سوکھا تھیوے۔
