اسلام آباد۔6نومبر (اے پی پی) وزیر اعظم محمد شہباز شریف 7-8 نومبر کوں “شرم الشیخ کلائمیٹ امپلی منٹیشن سمٹ” اچ شرکت کیتے مصر ویسن۔ وزیراعظم آفس میڈیا ونگ توں جاری بیان موجب وزیراعظم دے رلے کابینہ دے ارکان اتے اعلیٰ حکام وی ہوسن۔اے سربراہی اجلاس اقوام متحدہ دی موسمیاتی تبدیلی27ویں کانفرنس (کوپ-27) دےہک حصے دے طور تے تھیندا پے۔ وزیر اعظم 8 نومبر 2022 کوں آپݨے نارویجن ہم منصب نال “کلائمیٹ چینج اینڈ سسٹین ابیبلٹی آف ولنرایبل کمیونٹیز” تے ہک اعلیٰ سطحی گول میز مباحثے دی شریک صدارت کریسن۔ وزیر اعظم اعلیٰ سطحی تقاریب بشمول اقوام متحدہ دے سیکرٹری جنرل دی ایگزیکٹیو ایکشن پلان دے ابتدائی وارننگ سسٹمز دے آغاز کیتے گول میز اچ بطور سپیکر وی شریک تھیسن اتے ست نومبر کوں “مڈل ایسٹ گرین انیشیٹو سمٹ”جئیں دی میزبانی سعودی عرب دے ولی عہد اتے وزیر اعظم محمد بن سلمان کریندے پئن اچ وی شریک تھیسن۔
