لاہور۔14 مئی(اے پی پی)وفاقی وزیر داخلہ رانا ثناء اللہ آکھیے جو ریاست ہر صورت اپݨیاں اقلیتاں دے حقوق دا تحفظ کریسی اتے انہاں دیاں مذہبی ڄاہیں کوں سیاسی مقاصد کیتے استعمال نہ تھیوݨ ݙیسی۔ ہک بیان اچ انہاں آکھیے جو عمران نیازی پہلے توہین مسجد نبوی کیتی اے اتے ہݨ ولا گرجا گھر کوں جلسہ گاہ ٻݨاوݨ دی کوشش کر دے مسیحی برادری دے مذہبی جذبات کوں اکسائے۔ انہاں آکھیا جو ریاست مدینہ دے ناں تے اپݨی سیاسی دکان چمکاوݨ آلا عمران نیازی ملک اچ مذہبی فساد چاہندے، ریاست ہر صورت اقلیتاں کوں تحفظ ݙیسی، سیالکوٹ اچ چرچ دی ڄاہ کوں سیاسی جماعت دے جلسہ گاہ دی اجازت نہ ݙیوݨ دے مسیحی برادری دے فیصلے کوں ریاستی تحفظ ݙیوݨ ساݙی ذمہ داری اے، جیکر ملک اچ کتھائیں وی امن کوں دا تے لاوݨ دی کوشش تھئی تاں قانون حرکت اچ آسی۔
