اسلام آباد – 10 جون (اي پي پي) وزيراعظم جي پارلياماني معاملن واري صلاحڪار ڊاڪٽر بابر اعواڻ چيو آهي ته پي ٽي وي جي پروگرام ۾ ڪشمير کي ڀارت جو حصو ڏيکارڻ جي حوالي سان پي ٽي وي کي جاچ ڪري رپورٽ پيش ڪرڻ جو چيو ويو آهي، جيئن ئي رپورٽ ايندي ايوان ۾ پيش ڪئي ويندي. قومي اسيمبلي جي اجلاس ۾ ڊاڪٽر بابر اعواڻ چيو ته جاويد لطيف هن ايوان ۾ نقطو اٿاريو هو ته پي ٽي وي جي پروگرام ۾ ڪشمير کي ڀارت جو حصو ڏيکاريو ويو ۽ پاڪستان جي نقشي ۾ ناهي ڏيکاريو ويو.
