اسلام آباد۔9مارچ (اے پی پی):ترکیہ و شام کیتے امدادی سامان دی وݙی کھیپ سول بحری جہاز دے ذریعے کراچی توں روانہ کرݙتی ڳئی اے ۔ ترجمان این ڈی ایم اے موجب وزیراعظم پاکستان دی ہدایت تے این ڈی ایم اے ترکیہ و شام کیتے مزید امدادی کھیپ روانہ کیتی اے ۔ امدادی سامان نال لݙیے 65 کنٹینرز سول بحری جہاز دے ذریعے روانہ کیتے ڳئن ۔ ایں کھیپ اچ ترکیہ دے زلزلہ متاثرین کیتے 8200 خیمے، 15000 راشن بیگز تے ٻئی ضروری چیزاں شامل ہن ۔ امدادی سامان گھن تے روانہ تھیوݨ آلا سول بحری جہاز پندرہ ݙینھ اچ منزل تے پڄ ویسی ۔ترجمان آکھیے این ڈی ایم اے پاکستانی عوام دی طرفوں زلزلہ زدہ ترک و شامی بھراویں دی مدد کیتے مسلسل مصروف عمل اے۔
