اسلام آباد۔3اگست (اے پی پی) وزیراعظم محمد شہباز شریف جاپان نال پاکستان دے تعلقات دی اہمیت تے زور ݙیندیں ہوئیں ایں قابل قدر سانجھے داری کوں ٻیا مضبوط ٻݨاوݨ دا عزم کیتے جݙانجو انہاں آکھیا جو جنوبی ایشیاء اچ پائیدار امن، سلامتی اتے خوشحالی کیتے جموں تے کشمیر دے تنازع دے پر امن حل دی لوڑھ اے۔ بدھ کوں وزیراعظم ہاؤس میڈیا ونگ توں جاری بیان موجب وزیراعظم نال جاپان دے پارلیمانی نائب وزیر برائے خارجہ امور ہونڈا تارو بدھ کوں ملاقات کیتی۔ ایں موقع تے دوستانہ تعاون اتے ݙوپاسہ تعلقات ودھاوݨ بارے ڳالھ کیتی ڳئی۔ وزیراعظم پاکستان اچ انفراسٹرکچر اتے سماجی واقتصادی ترقی کیتے جاپان دی حکومت ولوں ݙتی ڳئے تعاون دی تعریف کیتی۔
