اسلام آباد۔4اکتوبر(اے پی پی) وزیراعظم محمد شہباز شریف نال مسلم لیگ ن دی سینیٹ اچ پارلیمانی پارٹی دے لیڈرعرفان صدیقی ملاقات کیتی ۔ وزیراعظم دے میڈیا ونگ توں جاری بیان موجب ملاقات اچ سینیٹ اچ مسلم لیگ ن دی پارلیمانی پارٹی اتے ملکی سیاسی امور تے ڳالھ مہاڑ تھئی ۔سینیٹر عرفان صدیقی وزیراعظم کوں اقوام متحدہ جنرل اسمبلی اچ پاکستان تے امت مسلمہ دے موقف کوں چنڳے انداز اچ پیش کرݨ تے مبارخ ݙتی ۔ سینیٹرعرفان صدیقی وزیراعظم کوں مسلم لیگ ن دی سینیٹ اچ پارلیمانی پارٹی دی کارکردگی دا وی ݙسائے ۔ سیاسی امور تے ڳالھ کریندے سینیٹر عرفان صدیقی وزیراعظم کوں مولانا فضل الرحمان نال تھیوݨ آلی اڄوکی ملاقات دی تفصیل ݙسائی۔
