اسلام آباد۔6فروری(اے پی پی)وزیراعظم محمد شہباز شریف ترکیہ اچ زلزلے پاروں قیمتی جانی اتے مالی ضیان تے پرچاوݨی ݙیندے آکھیے جو ترکیہ اچ ریسکیو سرگرمیاں کیتے پاکستانی ڈاکٹراں، پیرا میڈکس اتے ریسکیو اہلکاراں دی خصوصی ٹیماں ٻھڄیندے پئے ہیں، تیکھے ہک ہوائی جہاز وی لوڑھ دیاں شئیں تے دوایاں ڳھن تے ترکیہ ویسی۔ ہک ٹویٹ اچ انہاں آکھیے جو میں ترک صدر کون فون کر تے زلالے پاروں جانی اتے مالی ضیان تے افسوس کیتے، میں آکھیے جو ایں اوکھے ویلھے پاکستان اپݨے ترک ٻھیݨ ٻھراواں دے نال کھڑے اتے اساں ترکیہ دا پورا ہتھ ونݙیسوں اتے امدادی سرگرمیاں اچ وی حصہ ڳھنݨ کیتے ٹیماں ٻھیڄیندے پئے ہیں، تیکھے امدادی سامان وی پچایا ویسی۔
