اسلام آباد۔3مئی(اے پی پی)وزیراعظم دے معاون خصوصی برائے قومی صحت ڈاکٹر فیصل سلطان آکھیے جو سنوار توں چالہی سال توں ودھ عمر دے شہریاں کوں کرونا دی ویکیسن لاوݨ شروع کرݙتی اے۔ میڈیا بریفنگ اچ انہاں آکھیا جو جون تئیں 1 کروڑ 90 لکھ ویکسین دیاں خوراکاں مل ویسن، پاکستان اچ ویکسین ویلھے تے اتے وݙے سوچے سمجھے طریقے نال کیتی ڳئی اے، کل وکیسن اچوں 90 فیصد خوراکاں مل ڳھدیاں ویسن اتے اساں ہݨ تئیں کرونا ویکیسن دیاں 3 کروڑ خوراکاں ڳھنݨ کیتے معاہدے کرچکیے ہیں، ایں سال دے چھیکر تئیں 7 کروڑ لوکاں کوں ویکیسن ڈتی ویسی، روزانہ 1 لکھ 50 خوراکاں ویکسین ݙتی ویندی پئی اے، کوشش اے جو روزانہ 3 لکھ لوکاں کوں ویکسین لڳے۔ انہاں آکھیا جو کڄھ ملک جیڑھے ویکسین بݨیدے پین، انہاں ایکسپورٹ تے پابندی لا ݙتی اے بھل اپکستان ول وی ویکیسن ݙیندا پئے جیندے کتیے چین ٻہوݨ ہتھ ونڈیندا پئے۔
