اسلام آباد۔14اگست (اے پی پی):پاکستان اچ اٹلی دے سفیر آندریاس فیریریز پاکستانی عوام کوں ملک دی آزادی دی75 ویں ڈائمنڈ جوبلی دے موقع تے مبارخ ݙتی ۔ اٹلی دے سفیر آپݨے ھک پیغام اچ آکھیے جو ڈائمنڈ جوبلی دی تقریب دے ایں پرمسرت موقع تے ، میں اٹلی دے عوام تے حکومت دی طرفوں پاکستان کوں 75 ویں یوم آزادی تے دلوں مبارخ ݙینداں ۔ سفیر فیرریز آکھیے جو آوݨ آلا سال پاکستان تے اٹلی دے ݙوطرفہ تعلقات دی ڈائمنڈ جوبلی دا سال اے۔ انہاں آکھیے جو ݙوہیں ملکاں واچل سانجھی سیاسی، اقتصادی، ثقافتی تے سماجی تعلقات دا ھک شاندار دور اے۔
