اسلام آباد-04 سيپٽمبر (اي پي پي) پاڪستان پيپلزپارٽي جي قومي اسيمبلي جي ميمبر مهتاب اڪبر راشدي چيو آهي ته ارسا ايڪٽ ۾ ترميم ڪري چيئرمين کي لامحدود اختيار ڏنا پيا وڃن جنهن تي اسان کي خدشا آهن، ان معاملي جو نوٽيس وٺڻ گهرجي. قومي اسيمبلي ۾ اعتراض واري نقطي تي ڳالهائيندي پيپلزپارٽي جي مهتاب اڪبر راشدي چيو ته ارسا ايڪٽ تحت ميمبر صوبن کان ورتا ويندا آهن ۽ هر ميمبر واري واري سان چيئرمين بڻجندو آهي. ايڪٽ ۾ ترميم آندي پئي وڃي ان موجب چيئرمين کي نامزد ڪيو ويندو. نامزد چيئرمين کي لامحدود اختيار ڏنا پيا وڃن، ان حوالي سان خدشن جو اظهار ڪيو پيو وڃي. ان معاملي جو نوٽيس وٺڻ ضروري آهي.
