اسلام آباد۔5جنوری (اے پی پی) وزیرِ اعظم محمد شہباز شریف ہدایت کیتی جو ملک اچ مقامی سطح تے سولر پینل ٻݨاوݨ کیتے پالیسی کوں ترجیحی بنیاداں تے چھیکڑی شکل ݙتی ونڄے۔ سرکاری عمارتاں اچ ہزار میگاواٹ دے منصوبے کوں آندی گرمیاں توں پہلے ہر صورت پورا کیتا وںڄے۔ اے ہدایت انہاں خمیس کوں ملک اچ توانائی دی بچت دے اقدامات تے عملدرآمد بارے جائزہ اجلاس دی صدارت کریندیں ہوئیں آکھی۔ وزیراعظم آکھیا جو ݙاہ ہزار میگاوات شمسی توانائی دے منصوبیاں تے عملدرآمد اچ کہیں قسم دا تعطل یا وسلائی قبول کائنا کیتی ویسی۔ اجلاس اچ سابق وزیرِ اعظم شاہد خاقان عباسی، وفاقی وزراء اسحاق ڈار، وزیرِ دفاع خواجہ محمد آصف، خرم دستگیر خان، مشیرِ وزیرِ اعظم احد چیمہ، وزیرِ مملکت ڈاکٹر مصدق ملک، معاونینِ خصوصی محمد جہانزیب خان، سید فہد حسین، وزیرِ اعظم دے کوآرڈینیٹر رانا احسن افضل اتے متعلقہ اعلیٰ حکام شریک تھیے۔
