اسلام آباد۔27اکتوبر(اے پی پی) اسلامیہ یونیورسٹی بہاول پور دی صادق لائبریری اتے خواجہ فرید لائبریری کوٹ مٹھن وچال تعاون دا معاہدہ تھئے۔ ایں سانڳے اسلامیہ یونیورسٹی بہاول پور دی لائبریری دے چیف لائبریرین اے خواجہ فرید میوزیم اے لائبریری دے ڈائریکٹر مجاھد جتوئی ایم او یو تے دستخط کیتن۔ دستخطی تقریب اچ ڈائریکٹر خواجہ فرید چیئر خواجہ راول معین، سجادہ نشین دربار فرید خواجہ معین الدین محبوب، ڈین آف آرٹس اینڈ لینگویجز فیکلٹیز ڈاکٹر جاوید چانڈیو، وائس چانسلر اسلامیہ یونیورسٹی بہاول پور ڈاکٹر انجینئر پروفیسر اطہر محبوب وی موجود ہن۔ معاہدے نال ݙوہیں لائبریریاں وچال تعاون تے کتاباں توں فیدے سودھا کتاباں کوں محفوظ تے ڈیجیٹلائیز کرݨ، مخطوطیاں کوں محفوظ کرݨ دی راہ نکلسی تاں جو طالب علم اتے ریسرچ اسکالر ایندے توں فیدہ چاون۔ اے معاہدہ خواجہ فرید چئیر اسلامیہ یونیورسٹی ولوں تقریب خواجہ فرید نیشنل کانفرنس و محفل کافی دے موقعے تے کیتا گئے۔
