اسلام آباد۔19اکتوبر (اے پی پی):ڈپٹی سپیکر قومی اسمبلی قاسم خان سوری آکھیے جو آپؐ اعلیٰ اخلاق و اوصاف دے مالک ہن، آپؐ صحت مند معاشرے دی تشکیل کیتے ھک مکمل ضابطہ اخلاق ݙتا۔ انہاں منڳل کوں جشن عید میلاد النبی ؐ دے موقع تے آپݨے پیغام اچ آکھیے جو آپؐ پاکیزہ سیرت اتے ذاتی عمل توں ٻہوں تھوڑے عرصے اچ لوکاں دیاں زندگیاں اچ تبدیلی گھن آتے دنیا اچ ھک انقلاب برپا کیتا تے صحت مند معاشرے دی تشکیل کیتے ھک مکمل ضابطہ اخلاق ݙتا۔ قاسم خان سوری آکھیے جو وزیر اعظم عمران خان دی طرفوں رحمت اللعالمین اتھارٹی دا قیام انتہائی اہم اقدام اے جیں دی بدولت نینگر نسل کوں سیرت خاتم النبین حضرت محمدؐ دے اسلوب کوں سمجھݨ اچ مدد مل ویسی ۔
