اسلام آباد۔1دسمبر(اے پی پی)نائب وزیراعظم تے وزیر خارجہ محمد اسحاق ڈار دفتر خارجہ اچ وویمن ایسوسی ایشن چیرٹی بازار دا افتتاح کرݙتا۔ دفتر خارجہ اچ چیرٹی بازار دی افتتاحی تقریب تھئی جیں اچ نائب وزیراعظم وزیر اعظم تے وزیر خارجہ اسحاق ڈار پاکستان فارن آفس وویمن ایسوسی ایشن سالانہ چیرٹی بازار 2024 دا افتتاح کیتا۔چیرٹی بازار اچ مختلف سفارتخانیں دی طرفوں سٹال اتے آپݨے آپݨے ملکاں دی ثقافتی نمائش دا اہتمام کیتا ڳئے ۔ایں موقع تے غیر ملکی سفارتکار اتے انہاں دے گھر آلیں دی وݙی تعداد وی چیریٹی بازار اچ موجود ہئی۔وزارت خارجہ دے افسراں دی وݙی تعداد وی ایں موقع تے موجود ہئی ۔ایں بازار دا مقصد معاشرے اچ مستحق اتے کمزورطبقے دی معاونت تے فلاح کرݨ اے۔
