اسلام آباد۔26جنوری(اے پی پی) نگران وزیر اعظم انوار الحق کاکڑ نال چیئرمین پاکستان ٹیلی کمیونیکیشن اتھارٹی (پی ٹی اے) میجر جنرل (ر) حفیظ الرحمن ملاقات کیتی۔ وزیراعظم آفس دے میڈیا ونگ توں جاری بیان موجب ملاقات اچ چیئرمین پی ٹی اے وزیرِاعظم کوں سالانہ رپورٹ 2023 پیش کیتی۔ چیئرمین پی ٹی اے وزیر اعظم کوں ݙسائے جو گزریل سال دے مقابلے اچ پی ٹی اے دی آمدن 17 فیصد ودھارے دے بعد 850 ارب تئیں پڄ ڳئی جݙاں جو پورے ملک اچ موبائل سروسز تئیں رسائی 90 فیصد تئیں پڄ ڳئی ۔ انہاں ݙسائے جو 2023 اچ موبائل فون صارفین دی تعداد 19.2 کروڑ جݙاں جو ہائی سپیڈ براڈبینڈ صارفین دی تعداد 13 کروڑ تئیں پڄ ڳئی اے ۔ وزیراعظم چیئرمین پی ٹی اے اتے انہاں دی ٹیم دی پاکستان اچ موبائل و انٹرنیٹ سروسزدی رسائی عام آدمی تئیں پڄاوݨ سانڳے اقدامات دی تعریف کیتی ۔
