بیجنگ۔19اکتوبر(اے پی پی) نگران وزیرِ اعظم انوار الحق کاکڑ آکھیے حکومت زرعی شعبے دی ترقی کیتے اقدامات کریندی پئی اے جݙاں جو خصوصی سرمایہ کاری سہولت کونسل اچ وی زراعت دے شعبے کوں رلایا ڳئے۔ وزیراعظم آفس دے میڈیا ونگ توں جاری بیان موجب اے ڳالھ انہاں چائنا آئل اینڈ فوڈ سٹفس دی صدر لوآن رائیچینگ دی قیادت اچ وفد نال ملاقات اچ آکھی اے ۔ ملاقات اچ وزیرِ اعظم شرکاکوں پاکستان دے رزعی شعبے بارے ݙسایا ۔ وزیرِ اعظم آکھیے حکومت زرعی شعبے دی ترقی سانڳے اقدامات کریندی پئی اے تے خصوصی سرمایہ کاری سہولت کونسل اچ وی زراعت دے شعبے کوں رلایا ڳئے ۔ پاکستان نہ صرف زرعی پیداوار ودھاݨ کیتے کوشاں اے بلکہ زرعی پیداواردی پراسیسنگ اتے برآمدات ودھاوݨ کیتے اقدامات کریندا پئے ۔چائنا آئل اینڈ فوڈ سٹفس (کوفکو) دے وفد پاکستان اچ سرمایہ کاری کرݨ اچ دلچسپی رکھݨ دی ڳالھ کیتی جیں دا وزیرِ اعظم خیرمقدم کیتے۔
