اسلام آباد۔19جولائی (اے پی پی):یوکرین دے وزیر خارجہ دمترو کولیبا 20 توں 21 جولائی پاکستان دا دورہ کریسن ، اپݨے ݙوݙینھ دے سرکاری دورے اچ او اسلام آباد اچ وزیر اعظم شہباز شریف نال ملاقات تے وزیر خارجہ بلاول بھٹو زرداری نال تفصیلی ڳالھ مہاڑ کریسن ۔ ترجمان دفتر خارجہ موجب پاکستان تے یوکرین وچال خاص طور تے تجارت، سرمایہ کاری، زراعت اتے اعلیٰ تعلیم دے شعبیں اچ نیڑے تے چنڳے تعلقات ہن ۔ یوکرین دے وزیر خارجہ دا دورہ 1993 اچ ݙوہیں ملکاں وچال سفارتی تعلقات دے قیام دے بعد پہلا وزارتی دورہ اے۔
