لاہور۔19جون (اے پی پی):وزیراعلیٰ پنجاب حمزہ شہباز شریف دی زیر صدارت ماڈل ٹاؤن اچ اجلاس منعقد تھیا ،جتھاں چولستان دے پرے دے علاقیں اچ سولر واٹر پلانٹس لاوݨ دے مجوزہ پروگرام دا جائزہ ڳھدا ڳئے ۔ کمشنر بہاولپور ڈویژن چولستان اچ سولر واٹر پلانٹس لاوݨ دے حوالے نال بریفنگ ݙتی۔چولستان اچ جدید ٹیکنالوجی دے ذریعے ودھ مینھ وسݨ دے مجوزہ پراجیکٹ دا وی جائزہ ڳھدا ڳیا ۔وزیراعلیٰ حمزہ شہباز اجلاس توں خطاب کریندے ہوئیں آکھیے جو چولستان دے علاقیں اچ سولر واٹر پلانٹس لاوݨ دا پروگرام بݨائے ۔سولر واٹر پلانٹس توں انساناں دے نال جانوراں کوں وی پاݨی ݙتا ویسی۔ حمزہ شہباز ہدایت کیتی اے جو پراجیکٹ دے امور کوں وختی چھیکڑی شکل ݙتی ونڄے ۔اے نیکی دا کم اے، قواعد و ضوابط کوں سامݨے رکھ تے تکھے ایں تے کم کیتا ونڄے۔انہاں آکھیے جو چولستان اچ شیڈز اچ ائیر کولر لاوݨ دا وی جائزہ ڳھدا ونڄے ۔نہر توں چولستان اچ پاݨی دی سپلائی دے آپشن تے غور کیتا ونڄے ، ایں اقدام توں ناصرف پاݨی دی قلت مکسی بلکہ کھیتی باڑی ودھسی ۔انہاں آکھیے جو چولستان اچ جدید ٹیکنالوجی دے ذریعے مینھ ودھاوݨ دا پائلٹ پراجیکٹ تیار کیتا ونڄے تے آندے ہفتے ٹائم لائن دے نال فائنل پلان پیش کیتا ونڄے ۔44 ایمبولینس، موبائل سکولاں اچ ودھارے دے حوالے نال متعلقہ محکمیں دے مشور توں حتمی سفارشات پیش کیتیاں ونڄن ۔اجلاس اچ سینٹر ممبر بورڈ آف ریونیو،سیکرٹری جنگلات، سیکرٹری توانائی، سیکرٹری پلاننگ اینڈ ڈویلپمنٹ تے متعلقہ حکام شرکت کیتی۔کمشنر بہاولپور ڈویژن، وائس چانسلر اسلامیہ یونیورسٹی، ڈپٹی کمشنر، چیف انجینئر آبپاشی، ایم ڈی چولستان ڈویلپمنٹ اتھارٹی تے متعلقہ افسران وڈیو لنک دے ذریعے اجلاس اچ شریک تھئے ۔
