اسلام آباد۔7مئی(اے پی پی) وفاقی وزیر ماحولیات و موسمیاتی تبدیلی شیری رحمان چنتا کریندے متعلقہ اداریاں کوں ہدایت کیتی اے جو ایں واری ساوݨ دا مینھ معمول توں وسسی ، متعلقہ ادارے ہنگامی اقدامات کرن۔ ہک ٹویٹ اچ انہاں آکھیا جو قومی و صوبائی ڈیزاسٹر مینجمنٹ حکام اتے متعلقہ مقامی حکام مون سون دی معمول توں ہٹ تے ودھ ممکنہ بارشاں پاروں موثر پیشگی احتیاطی تدابیر ورتن، ایں سال ملک دے اکثرا حصیاں اتے شمالی علاقیاں اچ معمول توں ودھ درجہ حرارت اتے بارشاں دا امکان اے، سیلاب اتے تیز بارشاں نال لوکاں کوں اوکھ تھی سڳدے جیندے توں بچݨ دی لوڑھ اے، ایں سانڳے ودھ اقدامات کرݨے ہوسن۔ شیری رحمان اکھیا جو جنوبی ایشیائی موسمیاتی آؤٹ لک فورم آندے کڄھ مہینے اچ ودھ بارشاں دی پیشگوئی کیتی اے، ایندے نال چھل آسڳدے، ودھ درجہ حرارت ال برف پگھرݨ دا وی خطرہ اے ایں سانڳے اقدامات ضروری ہن۔
