اسلام آباد۔18جنوری (اے پی پی):وفاقی وزیر سائنس و ٹیکنالوجی چوہدری فواد حسین سینیٹ انتخابات کیتے اوپن بیلٹنگ سسٹم دی تجویز ݙیندے ہوئیں آکھیے جو سینیٹ کوں مضبوط کرݨ کیتے سینیٹ انتخابات دا شو آف ہینڈز دے ذریعے انعقاد ویلھے دی لوڑھ اے ۔ سنوار کوں نجی ٹی وی چینل دے پروگرام اچ ڳالھ مہاڑ کریندے ہوئیں انہاں آکھیے جو سینیٹ انتخابات کیتے اوپن بیلٹنگ سسٹم اختیار کرݨ ٻہوں ضروری اے تے حکومت سینیٹ انتخابات دے طریقہ کار دے حوالے نال سپریم کورٹ توں مدد منگی اے۔ سینیٹ انتخابات اچ سیاستداناں دا جماعتاں دے نال ݙیل کرݨ بارے چوہدری فواد حسین آکھیے جو وزیراعظم عمران خان واحد لیڈر ہن جنہاں اپݨے 20 ایم پی ایز کوں فارغ کیتا ہئی ، امریکہ اچ الیکشن دا حوالہ ݙیندے ہوئیں انہاں آکھیے جو امریکہ اچ سینیٹ انتخابات کیتے براہ راست انتخابات دا طریقہ کار اختیار کیتا ویندے ۔
