اسلام آباد۔26ستمبر(اے پی پی) وفاقی وزیر بحری امور قیصراحمد شیخ آکھیے میری ٹائم سیکٹردی چنڳائی سانڳے ہرممکن کوشش کریندے پیوں ،عالمی بحری تنظیم دے سیکرٹری جنرل وی ساݙی کارکردگی دی تعریف کیتی اے ۔ ٻدھ دے ݙینھ ورلڈ میری ٹائم ڈے تے آپݨے سنھیے اچ وفاقی وزیر بحری امور آکھیے پاک بحریہ میری ٹائم سیکٹر دے مسئلیں دے حل اچ ساݙی مدد کریندی پئی اے ،میری ٹائم سکیورٹی اتے بلیو اکانومی تے خصوصی توجہ ݙیندے پیوں ،میری ٹائم سنگل ونڈو دے ذریعے پورٹس دی ڈیجیٹلائیزیشن دا کم جاری اے۔انھاں آکھیے پاکستان میرین اکیڈمی اچ عالمی معیار دے جدید ٹریننگ پروگرامز کرائے ویندے پئن،کراچی پورٹ ٹرسٹ دے ریونیو اچ وی گزرییل سال دی نسبت ودھارا تھئے ، انھاں آکھیے پنجاہ فیصد درآمدات گوادر پورٹ دے ذریعے کرݨ دا پلان اے تاں جو بلوچستان خوش حال تھی سڳے ، سمندری تجارت دے لحاظ نال پاکستان دی لوکیشن ایں خطے اچ ساریں توں اہم اے ،پورٹس دی بہتری سانڳے ہر سٹیک ہولڈر نال ٻہݨ سانڳے تیار ہاں
