اسلام آباد۔6ستمبر(اے پی پی)صدر مملکت آصف علی زرداری آکھیے جو پاکستان دا یوم دفاع و شہدا ساݙی تریخ دا ہک حوصلہ افزاء باب اے، ایں ݙینھ اساں ہک قابل فخر قوم دے طور تے آپݨیاں بہادر مسلح افواج اتے ثابت قدم عوام کوں زبردست خراج تحسین پیش کریندے ہین جنہاں ہمیش آپݨیاں سرحداں دا غیر متزلزل ایمان اتے بے مثال ب??ادری نال دفاع کیتا۔ ایوان صدر دے پریس ونگ توں جاری بیان موجب یوم دفاع و شہدا تے آپݨے سنیہے اچ صدر مملکت آکھیا جو 1965 دی قربانیاں دا جذبہ ہک لازوال سوڄھلا ٻݨ چکیے جیڑھا ساݙیاں آندیاں نسلاں کوں ہر آزمائش اتے چیلنج اچ رہنمائی ݙیندے۔ ایں سال 6 ستمبر معرکہ حق پاروں خاص اہمیت رکھیندے، جیویں 1965 اچ اساݙیاں بہادر افواج بے مثال حوصلہ اتے فرض شناسی ݙکھائی، اویں مئی 2025 اچ ہندوستان دے خلاف آپریشن “بنیان مرصوص” اچ اساݙے بہادر پتراں ہک وار ول ب?? مثال جرات اتے جانفشانی ݙکھائی، انہاں دی پیشہ ورانہ مہارت، جنگی صلاحیتاں اتے زمینی، فضائی اتے سمندری سطح تے جنگ دی تیاریاں اے ثابت کریندن جو پاکستان دا دفاع ناقابل تسخیر اے، کیوں جو ایںدی بنیاد عوام دے ازلی جذبے اتے مسلح افواج دے پختہ عزم تے اے۔ انہاں آکھیا جو بطور سپریم کمانڈر اچ پاکستان دیاں دفاعی صلاحیتاں کوں مسلسل اپ گریڈ کرݨ اتے جدید بݨاوݨ دے عزم دا اعادہ کریندے ہیں، اڄوکے دور اچ جتھاں ہائبرڈ اتے پنجویں نسل دیاں جنگاں، غلط معلومات، پروپیگنڈا اتے نفسیاتی آپریشنز کوں ہتھیار دے طور تے استعمال کیتا ویندے، اے ضروری اے جو اساں نہ صرف آپݨی فوجی طاقت کوں ودھائوں ٻھل آپݨے معلوماتی اتے ابلاغی نظام کوں وی مضبوط کروں۔ صدر مملکت آکھیا جو ریاست دے ستون اتے عوام خاص طور تے اساݙی نویں نسل کوں انہاں جدید خطرات دا ??قابلہ حکمت، استقامت اتے اتحاد نال کرݨ کیتے چوکنا اتے متحد رہݨا ہوسی۔ صدر مملکت آکھیا جو جموں و کشمیر دا دیرینہ تنازعہ خطے اچ عدم استحکام دی جڑھ اے۔ ایںدا ??نصفانہ حل، جو اقوام متحدہ دی سلامتی کونسل دیاں قرارداداں اتے کشمیری عوام دیاں خواہشاں دے مطابق ہووے، خطے اچ امن دا ہکو راستہ اے۔ٻیا، فلسطین دے دلخراش سانحے ساکوں فلسطینی عوام دے خلاف نسل کشی اتے م??ال??اں دے خاتمے دا ??طالبہ کرݨ تے مجبور کیتے، دنیا کوں فلسطین دی آزاد ریاست دے قیام کیتے مضبوط موقف اپناوݨا چاہیدے جیندا دارالحکومت القدس الشریف ہووے، کیوٻ جو ایہو مشرق وسطی اچ دیرپا امن دا ??احد راستہ اے۔ صدر مملکت آصف علی زرداری آکھیا جو آؤ! آخر اچ ایں یوم دفاع و شہدا تے اے عہد کروں جو اساں ثابت قدم، باہمت اتے متحد رہسوں تاں جو شہدا دیاں قربانیاں کوں عزت ملے، ساݙا دفاع ناقابل تسخیر رہے اتے ساݙیاں آئندہ نسلاں کوں ہک مضبوط، خوشحال اتے پرامن پاکستان ورثے اچ ملے، شہدا دے خاندان ساݙی عزت ہن اتے غازیاں دیاں قربانیاں ساݙی مقدس امانت ہن، ستمبر دا جذبہ ہمیش اساݙیاں مسلح افواج دی بے خوفی اتے اساݙی قوم دی استقامت اچ جھلکسی، کوئی وی چیلنج ساکوں خودداری اتے خودمختاری دے راہ توں ٻاہرو نئیں کر سڳدا۔ “پاکستان دیاں مسلح افواج زندہ باد، پاکستان پائندہ باد
