اسلام آباد۔29جنوری (اے پی پی):وزیراعظم عمران خان آکھیے جو پاک چین شراکت داری بین الریاستی تعلقات اچ بے مثال اے،بیلٹ اینڈ روڈ اقدام دے پرچم بردار منصوبہ دے طور تے پاک چین اقتصادی راہداری ݙوہیں ملکاں کیتے ٻہوں زیادہ اقتصادی اتے تزویراتی اہمیت رکھیندے ، پاکستان اچ ایں ڳال تے مکمل اتفاق اے جو ملک دی قومی ترقی کیتے سی پیک ناگزیراے ، ساݙی حکومت سی پیک کوں کو بی آرآئی دا ھک اعلیٰ معیار دا مظہر منصوبہ بݨاوݨ کیتے پوری طرح پرعزم اے،پاکستان اچ چینی عملے اتے منصوبیں دی حفاظت اتے تحفظ ساݙی اولین ترجیحات اچ شامل ہن،پاکستان دے عوام اتے ریاستی ادارے سی پیک کوں پاک چین دوستی اچ رکاوٹاں پاوݨ آضیں توں تحفظ ݙیوݨ تے ساݙے مفادات کوں ضیان پڄاوݨ آلیں کوں انصاف دی کچاری اچ گھن آوݨ کیتے پرعزم ہن ، یقین اے جو ساݙے لوکاں دے درمیان رابطے مزید گھاٹے تھیسن اتے سݙی یاری دی بہترین روایات اساݙی آندیاں نسلاں تئیں منتقل تھیسی۔ انہاں اے ڳال ممتاز چینی اخبار ” گلوبل ٹائمز” اچ ہفتے کوں چھپݨ آلے اپݨے ھک مضمون اچ آکھی ۔وزیراعظم آکھیے جو اساݙے رابطے عالمی و علاقائی پیش ہائے رفت دے لہہ چھڑ توں قطع نظرآزمودہ اتے ہر ویلھے ہن ۔گزریل سال ساݙے سفارتی تعلقات دے قیام دی 70 ویں سالگرہ مناوݨ کیتے عظیم الشان تقریبات ساݙی دوستی کوں نویں قوت اتے ولولہ بخشیے ۔انہاں آکھیے جو پاکستان اچ اساݙے کیتے چین دے نال تعلقات ساݙی خارجہ پالیسی دا بنیادی ستون ہن جیں کوں ہر ویلھے سیاسی حمایت حاصل اے اتے میں اے ڳال پورے پورے اعتماد نال آکھ سڳداں جو ساݙے عوام ایں دوستی دی حقیقی قدر دا بھرپور ادراک رکھیندن تے ایندے مزید ودھارے کیتے جذبے توں آپݨا کردار ادا کریندن ، ایں گھاٹی یاری تے استحکام دے اظہار دے حوالے نال خصوصی ضرب المثل وضع کیتے ڳئن ۔وزیراعظم عمران خان آکھیے او آندے کجھ ݙینھ اچ سرمائی اولمپک گیمز دی افتتاحی تقریب اچ شرکت کیتے بیجنگ دا دورہ کریسن ۔خود ھک کھلاڑی ہووݨ دے ناطے او ایں جذبے کوں سمجھ سڳدن جیڑھا جو ھک قوم اچ اولمپکس وانڳوں کھیݙاں دے مقابلے توں پیدا تھیندے ،میں سمجھداں جو کھیݙاں یکجہتی دا عنصر ہوندن تے اے سیاست توں بالا تر ہووݨ چاہیندن ۔وزیراعظم ایں وݙے ایونٹ دی میزبانی تے چین دی قیادت اتے عوام کوں مبارخ ݙتی اتے سارے شرکا دی صحت و تحفظ اتے کامیاب کھیݙاں کیتے نیک خواہشات دا اظہار کیتے۔ وزیراعظم عمران خان آکھیے جو اکتوبر 2019 اچ انہاں دے آخری دورہ چین دے بعد توں کوویڈ 19 دی عالمگیروبا دی صورت اچ ساریں توں وݙا عصری چیلنج سامݨے آیا جیں توں پوری دنیا اچ ھک تبدیلی آئی اے،اے وبا انسانی زندگیاں اتے معاش تے منفی اثر پاتے۔ ماحولیاتی تبدیلی ھک ٻئی عفریت اے جیں دا اساکوں سامݨا اے، ماحولیاتی تبدیلی انہاں کامیابیاں اچ خلل پاوݨ دی صلاحیت رکھیندی اے جیڑھی جو بنی نوع انسانیت اڄ تئیں حاصل کیتی اے ۔وزیراعظم آکھیے جو جغرافیائی سیاست دی ضرورتاں ساݙے خطے اچ نویں صف بندیاں کوں جنم ݙتے جیڑھا جو ٻہوں سارے لوکاں کیتے گزریل صدی دے نظریاتی محاذآرائی دی یادݙویندے ۔ افغانستان گزریل 20 سالاں توں عدم استحکام اتے انتشار دا شکار ہئی تے خطے اچ امن دی واپسی دی امید دے نال ایں عدم استحکام اتے انتشارمکاوݨ دا ویلھا نیڑے آڳئے ۔افغانستان اچ معاشی بدحالی اتے انسانی بحران دے سدباب کیتے بین الاقوامی برادری دا متحرک کردار اتے شمولیت ضروری اے ۔وزیراعظم آکھیے جو موجودہ چیلنجز خواہ کتنے وݙے کیوں نہ ہوون ساݙے خطے اتے ایندے توں ٻہر امن اتے خوشحالی کیتےے بوجوہ تکثریت اتے بین الاقوامی تعاون دے متقاضی اے جیویں جو صدر شی جن پنگ عالمی اقتصادی فورم توں آپݨے اڄوکے خطاب اچ مناسب طور تے ذکر کییتے جو ”عالمی بحران دے ودھدے طوفاناں دے درمیان ملکاں 190 چھوٹی کشتیاں اچ انڄ انڄ سوار نی بلکہ سارے ھک وݙے جہاز دے سوار ہن جیں تے سݙی مشترکہ تقدیروی اے“۔وزیراعظم آکھیے جو تاریخ ایں ڳال دی گواہ اے جو پاکستان اتے چین ماضی اچ مشترکہ طور تے ایجھی عہد ساز تبدیلیاں کوں عبور کیتے تے ایندے اچ کامیاب رہیے ۔
