اسلام آباد۔15اکتوبر(اے پی پی)صدر مملکت آصف علی زرداری نال آڈیٹر جنرل آف پاکستان مقبول احمد گوندل ایوانِ صدر اچ ملاقات کیتی۔ ایوان صدر دے پریس ونگ توں جاری بیان موجب صدر مملکت مالی شفافیت، احتساب اتے چنڳی گورننس دے ودھارے اچ آڈیٹر جنرل دے کردار دی تعریف کریندے آکھیے آڈیٹر جنرل دا آئینی کردار ملکی مالی نظم و ضبط کوں مستحکم کرݨ اچ بنیادی حیثیت رکھیندے، آڈیٹر جنرل دے ادارے دا مالی وسائل دے موثر استعمال اتے نظام دی بہتری اچ ??ہم کردار اے۔ صدر مملکت ہدایت کیتی جو محکمہ اندرلی اصلاحات اتے کارکردگی اچ بہتری کیتے متعلقہ اداریں دے نال نیڑے تعاون جاری رکھے۔ صدر مملکت زور ݙتا جو آڈٹ رپورٹس تے موثر عملدرآمد اتے وقتی اصلاحی اقدامات نال کرپشن اتے مالی بے ضابطگیاں گھٹ کیتیاں ونڄ سڳدن۔ انہاں آکھیا جو عالمی بہترین طریقہ کار اتے جدید ٹیکنالوجی، بشمول مصنوعی ذہانت، اپناوݨ نال شفافیت اچ ودھارا ممکن اے۔صدر آصف علی زرداری آکھیا جو مالی شفافیت، موثر طرزِحکمرانی اتے پیشہ ورانہ دیانت دی لوڑھ اڄ پہلے توں کتھائیں زیادہ اے۔ صدر مملکت یقین ظاہر کیتا جو آڈیٹر جنرل دا دفتر قومی مفاد اچ اعلیٰ معیار دے احتساب کوں برقرار ر??ھیسی۔
