اسلام آباد ۔09 مئی (اے پی پی) محکمہ موسمیات دے مطابق آندے 24گھنٹے دے دوران ملک دے ودھ سارے علاقیں اچ موسم گرم تے رکھا جڈاں جو اتلے سندھ اتے جنوبی اتے وسطی پنجاب اچ موسم ودھ سارا گرم رہسی تاں جو مکران، کوئٹہ، قلات، لاڑکانہ، راولپنڈی، سرگودھا ڈویژن، خیبرپختونخواہ، فاٹا، گلگت بلتستان اتے کشمیر اچ کجھ جہیں تے تکھی ہوا دے نال تے کھمنڑ نال ہلکا مینھ وسنڑ دا امکان ہے ۔ رپورٹ دے مطابق گزریل 24 گھنٹے دے دوران ملک دے ودھ سارے علاقیں اچ موسم رکھا جڈاں جو مالاکنڈ، راولپنڈی ڈویژن، بالائی فاٹا اتے گلگت بلتستان اچ کجھ جہیں تے تکھی ہوا تے کھمنڑ نال مینھ وسیا ۔ ساریں توں ودھ مینھ میرکھانی اچ 14 ملی میٹر، دروش08، پٹن07، کالام06، دیر 04، چترا ل ہک، پارہ چنار 05، چکوال04 اتے سکردو اچ ہک ملی میٹر ریکارڈ کیتی گی
